LeBron James yfir­gefur Lakers

Bandarískir miðlar greina frá í dag. James hafi upplýst stjórnendur hjá Lakers um ákvörðun sína í dag. Hann spili áfram, en ekki með þeim gulklæddu í borg Englanna.

James verður 42 ára í desember og hefur spilað fyrir Lakers í átta leiktíðir, eftir að hafa áður verið leikmaður Cleveland Cavaliers (tvisvar) og Miami Heat. Hann mun í vetur spila sína 24. leiktíð í NBA-deildinni, en enginn annar hefur spilað eins mörg tímabil í deildinni.

James spilaði aðeins 60 leiki á síðustu leiktíð vegna meiðsla sem hrjáðu hann í upphafi tímabils. Óljóst er hvað tekur við hjá kappanum en hann hefur helst verið orðaður við Golden State Warriors.

Lakers lögðu Houston Rockets 4-2 í fyrstu umferð úrslitakeppninnar í vor en töpuðu í kjölfarið 4-0 fyrir Oklahoma City Thunder.

James hefur unnið fjóra NBA-meistaratitla og verið valinn besti leikmaður deildarinnar í fjórum sinnum.