Trump mætir á úr­slita­leikinn og af­hendir bikarinn

Trump hefur ekki enn mætt á leik á HM sem fer fram í Bandaríkjunum, Kanada og Mexíkó í sumar.

Af 104 leikjum á HM fara 78 fram í ellefu borgum í Bandaríkjunum. Allir leikirnir frá átta liða úrslitum verða á bandarískri grundu.

Úrslitaleikurinn fer fram á MetLife-leikvanginum í East Rutherford 19. júlí næstkomandi og þar verður Trump að sögn góðvinar hans, Infantino.

„Við njótum leiksins saman og afhendum sigurliðinu verðlaunin, að sjálfsögðu,“ sagði Infantino.

Síðasta sumar afhenti Trump Recce James, fyrirliða Chelsea, bikar eftir að liðið vann Paris Saint-Germain í úrslitaleik HM félagsliða á MetLife-leikvanginum.

Síðast þegar HM fór fram í Bandaríkjunum, sumarið 1994, afhenti varaforsetinn Al Gore Dunga, fyrirliða Brasilíu, heimsmeistarabikarinn eftir sigur á Ítalíu í úrslitaleiknum á Rose Bowl í Pasadena.