Landsliðin undir­búa sig fyrir HM í beinni

Fyrri leikurinn hefst klukkan 16:00 þegar Króatía tekur á móti Belgíu í Rijeka. Þar mætast tvær sterkar þjóðir sem báðar ætla sér stóra hluti á HM.

Króatar hafa verið eitt stöðugasta landslið heims undanfarinn áratug og unnu til að mynda silfurverðlaun á HM 2018 áður en þeir enduðu í þriðja sæti á HM 2022.

Króatinn Luka Modric stefnir á sitt fimmta heimsmeistaramót. Króatar eru í riðli með Englendingum, Ganverjum og Panamamönnum á HM. Belgar hefja leik á HM gegn Egyptalandi áður en þeir mæta Íran og Nýja-Sjálandi í sínum riðli.

Seinni leikur dagsins hefst klukkan 18:45 þegar Wales tekur á móti Gana í Cardiff.

Fyrir Gana er leikurinn mikilvægur liður í HM-undirbúningnum. Landsliðið er nú undir stjórn hins reynslumikla Carlos Queiroz sem er að stýra þjóð á sínu fimmta heimsmeistaramóti. Á mótinu verður Gana einmitt í riðlinum sem ritað er um hér að ofan.

Wales verður hins vegar ekki meðal þátttökuþjóða á HM en fær hér gott tækifæri til að mæta sterku afrísku landsliði og gefa yngri leikmönnum tækifæri á alþjóðasviðinu.