Martin magnaður í odda­leik

Martin og félagar voru með bakið upp við vegg, með á hættu að enda í sumarfríi í kvöld, en höfðu betur og eru komnir í undanúrslit þar sem þeir mæta Bamberg en liðin enduðu jöfn að stigum í 2.-3. sæti í deildarkeppninni.

Martin var í aðalhlutverki í kvöld en hann skoraði 19 stig, stigi minna en Jack Kayil sem var stigahæstur hjá Berlínarliðinu. Martin átti svo auk þess langflestar stoðsendingar eða 10 talsins.

Alba Berlín var með yfirhöndina allan leikinn og var tíu stigum yfir í hálfleik, 50-40. Munurinn var níu stig fyrir lokaleikhlutann, 74-65, og gestirnir skoruðu svo fimm fyrstu stigin í fjórða leikhluta og minnkuðu muninn í 74-70 en komust ekki nær.