Kol­beinn snýr aftur til Köben í tuttugasta bar­dagann

Kolbeinn hafði ætlað sér að berjast á tímamótabardagakvöldi á Íslandi 10. apríl síðastliðinn en þau plön runnu út í sandinn þegar hann meiddist.

Nú hefur Kolbeinn hins vegar samið um að keppa að nýju eftir tvær vikur, gegn Tékkanum Pavel Sour, og verður það tuttugasti bardagi Kolbeins á atvinnumannaferlinum. Um er að ræða tíu lotu þungavigtarbardaga í Frederiksberg Hallerne.

Kolbeinn snýr sömuleiðis aftur til Kaupmannahafnar eftir að hafa rotað þar heimamanninn Kim Thomsen fyrir sléttum tíu árum síðan.

„Pavel Sour er ekki andstæðingurinn sem ég hef verið að bíða eftir en hann er erfiður andstæðingur og gott próf fyrir mig þar sem ég er að koma til baka eftir meiðsli og vil ekki láta annars mjög gott líkamlegt stand fara í vaskinn,“ segir Kolbeinn.

Emin Kadri Eminsson mun einnig keppa á kvöldinu í Kaupmannahöfn sem eins og fyrr segir fer fram 30. maí. Viðræður eru í gangi um að Sýn sýni frá kvöldinu.