Ráðinn for­stjóri Nathan

Í tilkynningu kemur fram að Jón taki við forstjórastöðunni af Ara Fenger, sem hafi verið forstjóri félagsins síðastliðin átján ár. Samhliða breytingunum muni Ari taka við sem stjórnarformaður félagsins.

„Jón Mikael er með BSc–gráðu í fjármálum og hagfræði. Hann hefur víðtæka reynslu og var nú síðast framkvæmdastjóri Ofar ehf. og gegndi þar áður stjórnunarstöðum hjá Origo, Ölgerðinni og Danól auk þess að sitja í stjórnum ýmissa fyrirtækja,“ segir í tilkynningunni. 

Um Nathan segir að félagið hafi frá árinu 1912 flutt inn og dreift mörgum af þekktustu vörumerkjum heims í matvöru og hreinlætis- og snyrtivörum auk þess að bjóða upp á ferskt og framsækið úrval eigin framleiðslu. „Má þar nefna vörumerki sem landsmenn þekkja vel eins og Cheerios, Neutral, Knorr, Cocoa Puffs, Chanel, Clarins, Danish Crown, Til Hamingju auk fjölda annarra vörumerkja.

Emmessís er dótturfélag Nathan sem sérhæfir sig í framleiðslu og innflutningi á hágæða ís sem hefur verið á borðum Íslendinga allt frá árinu 1960.

Hjá Nathan starfa um 150 manns sem vinna í góðu samstarfi við fyrirtæki sem leita eftir gæðavörum og áreiðanlegri þjónustu; hvort sem það eru stórar og smáar verslanir, stóreldhús eða matvælaframleiðendur.“