Óskar hættur en verður seint full­þakkað

Óskar ákvað sjálfur að segja skilið við ÍA en stjórn félagsins hafði lagt á það mikla áherslu að halda honum í starfi, samkvæmt tilkynningu félagsins.

Hann stýrði ÍA í tvö ár og á fyrra árinu rættist draumurinn um að komast aftur í efstu deild en þar hafði liðið ekki spilað síðan um aldamótin. Óskar er aðeins annar þjálfarinn í sögu ÍA til að stýra liðinu upp í efstu deild.

Skagamenn segja í tilkynningu að Óskar hafi komið félaginu upp á annað stig og ekki aðeins með árangri meistaraflokksins heldur blómstri yngri flokka starfið nú einnig.

„Við munum seint geta þakkað Óskari allt það sem hann hefur lagt á sig fyrir körfuboltann á Skaganum og óskum honum velfarnaðar í næstu ævintýrum,“ segir í tilkynningunni.

Skagamenn, sem í vikunni tilkynntu að Gojko Sudzum hefði skrifað undir þriggja ára samning við félagið, leita nú að arftaka Óskars sem stýra mun liðinu í 1. deild á næstu leiktíð.