Kjör­búðinni lokað og ein verslun eftir í bænum

Vífill Ingimarsson, framkvæmdastjóri Kjörbúðarinnar harmar lokunina í viðtali við Bæjarins besta en segir hana hafa verið nauðsynlega. Uppsagnir hafi orðið í tengslum við lokun verslunarinnar en hluta starfsmanna hafi verið boðið annað starf hjá Nettó á Ísafirði.

„Ljóst er að þessi ákvörðun mun hafa áhrif á þjónustustig í bæjarfélaginu og því ekki auðveld ákvörðun en því miður nauðsynleg,“ segir hann við Bæjarins besta.

Eftir að Kjörbúðin hefur lokað verður aðeins ein verslun eftir í bænum, Bjarnabúð.

Til stendur, að sögn Vífils, að Drangar móðurfélag Kjörbúðarinnar kaupi fasteignina sem Kjörbúðin er í. Rýmingarsala verður haldin mánudaginn 11. maí en í kjölfarið verður starfsemin lögð niður.