Tatum bættist ó­vænt við meiðslalistann fyrir oddaleikinn

Staðan er 3-3 í einvíginu en 76ers hafa unnið síðustu tvo leiki eftir að hafa lent 3-1 undir.

Celtics eru á heimavelli í kvöld en hugga sig kannski lítið við það þegar liðið hefur tapað tveimur leikjum í röð og besti leikmaðurinn er skyndilega meiddur.

Tatum haltraði örlítið í síðasta leik og fékk aðhlynningu hjá sjúkraþjálfara í þriðja leikhluta. Þegar hann sneri aftur á bekkinn í byrjun fjórða leikhluta voru Celtics svo langt undir að þjálfarinn Joe Mazzulla ákvað að spila honum ekkert.

Eftir leik sagði Mazzulla að Tatum yrði klár í næsta leik en það reyndist ekki rétt.

Með fjarveru Tatum er ljóst að sigurlíkur Philadelphia 76ers aukast til muna en oddaleikurinn hefst klukkan hálf tólf.

Celtics hafa unnið síðustu sex seríur milli liðanna en mögulega ná Joel Embiid og félagar loks fram hefndum í kvöld.