Besta sætið: Vítaspyrnuvæl og stór­leikir um helgina

Það voru skiptar skoðanir í þætti dagsins hvort Arsenal hefði átt að fá tvö víti í leiknum gegn Atletico í gær og verður eflaust rifist um það næstu daga.

Tindastóll braut sópana sem Garðbæingar mættu með í Skagafjörðinn í gær og nú spá allir og amma þeirra því að Stólarnir fari í úrslitin. Það hlýtur að vera bensín fyrir Stjörnuna.

Valur mætir til Grindavíkur í kvöld án Franks Aron Booker og verður áhugavert að sjá hvernig þeir leysa það.

Næstu leikir í undanúrslitum Bónus kvenna fara fram á morgun og laugardag. Margir hallast að oddaleikjum í einvígjunum. Það eru svo tveir leikur í Bestu kvenna í kvöld.

Á laugardag eru tveir risaleikir í Bestu deild karla. Akureyrarslagur á milli Þórs og KA og svo Reykjavíkurslagur hjá Val og KR.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.