Jakob og Linards fram­lengja veru sína í KR

Frá þessu greinir körfuknattleiksdeild KR í færslu á samfélagsmiðlum en KR varð bikarmeistari á tímabilinu og féll úr leik gegn Stjörnunnu í átta liða úrslitum Bónus deildarinnar nú fyrir skemmstu. 

Jakob hefur verið þjálfari liðsins undanfarin þrjú ár og samhliða því er hann framkvæmdastjóri körfuknattleiksdeildar KR.  

,,Ég er gríðarlega ánægður og stoltur að halda áfram sem þjálfari meistaraflokks KR. Þakklátur traustinu sem stjórn sýnir mér í að leiða liðið áfram næstu árin. Liðið hefur tekið skref í rétta átt seinustu tímabil og markmiðin eru skýr, að koma KR aftur á toppinn í íslenskum körfubolta,” lætur Jakob hafa eftir sér við þessi tímamót.

Linard Jaunzems ætlar líka að taka slaginn með KR á næsta tímabili en þessi 30 ára gamli letti var með 22,2 stig að meðaltali í leik á tímabilinu, 6,5 fráköst og 3,1 stoðsendingar. Hann var valinn besti erlendi leikmaður Bónus deildarinnar. 

KR-ingar boða frekari tíðindi af leikmannamálum hjá bæði karla- og kvennaliði félagsins á næstunni.