Riðill Ís­lands á EM klár: Mætast aftur eftir frækna sigurinn

Ísland mætir því einu af liðunum sem liðið mætti í undankeppni EM, Svartfjallalandi, sem Ísland vann frækinn sigur gegn á Ásvöllum.

Alls verða 24 lið með á mótinu sem fram fer 3.-20. desember. Gestgjafar mótsins eru fimm talsins en það eru Pólland, Rúmenía, Tékkland, Slóvakía og Tyrkland, og var ljóst fyrir fram að hvert þeirra myndi spila sinn riðil í sínu heimalandi. Þar að auki hafði Ungverjalandi þegar verið raðað í A-riðil sem spilaður er í Rúmeníu.

Riðlarnir á EM 2026:

A-riðill (Oradea í Rúmeníu): Ungverjaland, Svartfjallaland, Slóvenía, Ísland

B-riðill (Cluj-Napoca í Rúmeníu): Noregur, Rúmenía, Sviss, Norður-Makedónía

C-riðill (Antalya í Tyrklandi): Danmörk, Spánn, Tyrkland, Grikkland

D-riðill (Brno í Tékklandi): Holland, Tékkland, Austurríki, Króatía

E-riðill (Katowice í Póllandi): Frakkland, Pólland, Færeyjar, Úkraína

F-riðill (Bratislava í Slóvakíu): Svíþjóð, Þýskaland, Slóvakía, Serbía

Ísland tryggði sig inn á EM á sunnudaginn með öruggum sigri gegn Portúgal í lokaumferð undankeppninnar. Þar með endaði íslenska liðið í 3. sæti síns riðils, á eftir Færeyjum og Svartfjallalandi, og komst á EM sem eitt fjögurra liða með bestan árangur í 3. sæti í undanriðlinum sex.

Þetta verður fjórða stórmót stelpnanna okkar í röð. Þær fóru á HM 2023 og 2025, og á EM 2024. Þetta verður sömuleiðis í fjórða sinn sem Ísland fer á EM en liðið fór á mótið 2010 og 2012 og hefur best náð 15. sæti.