Elvar og Martin í miklu stuði

Elvar var nálægt tvöfaldri tvennu þegar hann skoraði 14 stig og átti níu stoðsendingar fyrir Anwil Wloclawek í 101-87 útisigri gegn Miasto Szkla Krosno í pólsku úrvalsdeildinni. Hann tók auk þess tvær stoðsendingar.

Leikurinn var jafn lengi framan af og munurinn aðeins fimm stig fyrir lokaleikhlutann en þar reyndust gestirnir sterkari. 

Þetta var þriðji sigur Anwil í röð og liðið er nú komið upp í 7. sæti þegar aðeins fjórar umferðir eru eftir fram að úrslitakeppninni. Liðin í 7.-10. sæti fara í umspil um sæti í 8-liða úrslitunum og nú gott útlit fyrir að Anwil komist að minnsta kosti í umspilið.

Martin er með Alba Berlín í næstefsta sæti í Þýskalandi, með jafnmörg stig og topplið Bayern sem á hins vegar þrjá leiki til góða.

Martin var annar af stigahæstu leikmönnum Alba í dag með 15 stig, í öruggum sigri, og hann átti auk þess fimm stoðsendingar og eitt frákast.