Körfubolti

Martin úr leik í Meistara­deildinni

Ágúst Orri Arnarson skrifar
Martin fer ekki lengra í Meistaradeildinni. 
Martin fer ekki lengra í Meistaradeildinni.  Soeren Stache/dpa (Photo by Soeren Stache/picture alliance via Getty Images

Martin Hermannsson og félagar í Alba Berlin eru úr leik í Meistaradeildinni í körfubolta. Framlengingu þurfti til að fella þá úr leik en 85-88 tap gegn Unicaja varð niðurstaðan að lokum.

Alba Berlin þurfti sigur í þessum leik til að knýja fram leik þrjú, oddaleik í átta liða úrslita einvíginu.

Berlínarbúar börðust fram á síðustu stundu og náðu að knýja fram framlenginu eftir að hafa verið langt undir í þriðja leikhluta.

Spánverjarnir reyndust hins vegar sterkari þegar á hólminn var komið. Unicaja náði 80-88 forystu áður en Alba minnkaði muninn í 85-88.

Martin lét lítið fyrir sér fara á þeim 19 mínútum sem hann spilaði. Aðeins 2 stig, 3 fráköst og 3 stoðsendingar skiluðu sér á tölfræðiskýrsluna.

Þýski körfuboltinn

Mest lesið


Fleiri fréttir

Sjá meira


×

Mest lesið