Fyrsta tapið hjá Kol­beini og fé­lögum

Vålerenga hafði unnið fyrstu tvo leiki liðsins í deildinni og Kolbeinn heillað þar. Hann raunar var svo góður að Vålerenga ákvað eftir aðeins þessa fyrstu tvo deildarleiki að festa kaup á kappanum sem var á láni frá Utrecht í Hollandi.

Kolbeinn var að venju í byrjunarliði Vålerenga í dag en þrátt fyrir fínustu frammistöðu hans tókst ekki að koma í veg fyrir 1-0 tap fyrir ríkjandi meisturum.

Hilmir Rafn Mikaelsson var á varamannabekk Viking allan tímann.

Með sigrinum jafnar Viking lið Vålerenga að stigum. Bæði eru með sex stig eftir þrjá leiki, jöfn Tromsö á toppnum en síðastnefnda liðið á leik inni við Rosenborg síðar í dag.