Tómas Valur skiptir um skóla í Banda­ríkjunum

Tómas sló ungur í gegn með Þór úr Þorlákshöfn áður en hann ákvað að hefja nám í Bandaríkjunum.

Tómas Valur hefur spilað í tvö tímabil með Washington State University og í vetur var hann með 8,8 stig, 4,1 frákast og 1,1 stoðsendingu að meðaltali á 22,9 mínútum í leik og hækkaði sig frá því á fyrsta tímabilinu.

Það verður hins vegar ekkert þriðja tímabil í skólanum því Tómas Valur kvaddi skólann á samfélagsmiðlum.

„Fyrst vil ég þakka Washington State University fyrir að gefa strák frá Íslandi tækifæri. Síðustu tvö ár í Pullman hafa verið ótrúlegur kafli í lífi mínu og ég hef þroskast svo miklu meira en ég átti von á,“ skrifaði Tómas.

„Til þjálfara minna, liðsfélaga og alls stuðningsteymisins: Takk fyrir að hvetja mig áfram á hverjum degi og fyrir þá ævilöngu vináttu sem við höfum myndað. Þið gerðuð flutninginn til Bandaríkjanna óaðfinnanlegan. Til stuðningsfólksins og samfélagsins í Pullman: Orka ykkar og stuðningur létu Beasley líða eins og heima frá fyrsta degi,“ skrifaði Tómas.

„Eftir mikla íhugun og umræður við fjölskyldu mína hef ég ákveðið að fara í félagaskiptagluggann með tvö ár eftir af leikheimild minni í háskólaboltanum. Ég er spenntur að sjá hvað framtíðin ber í skauti sér en ég mun alltaf vera þakklátur fyrir tíma minn í 509,“ skrifaði Tómas.