Skíðagöngumennirnir komnir í skjól

Greint var frá því í hádeginu að björgunarsveitarmenn af Suðurlandi væru á leið að Hofsjökli til að aðstoða þrjá gönguskíðamenn. Þeir óskuðu eftir aðstoð í morgun vegna þess að þeir væru orðnir kaldir og blautir.

Í fréttatilkynningu frá Landsbjörg segir að björgunarmenn á tveimur vélsleðum hafi komist að fólkinu rétt fyrir klukkan 13 og þá hafi einn göngumaður verið fluttur niður af jökli. Hinir tveir hafi beðið áfram á jöklinum.

Sleðarnir hafi svo haldið til baka og sótt þá tvo sem eftir voru. Síðan hafi búnaður þeirra verið sóttur.