Vann fyrstu Ólympíuverðlaun Rúss­lands síðan 2014

Skíðakonan hafnaði í þriðja sæti brunkeppni kvenna á Vetrarólympíumóti fatlaðra í Mílanó og Cortina. Aurélie Richard vann silfur og Ebba Årsjö vann gullið.

Þetta Ólympíumót og þessi verðlaun Voronchikhina marka tímamót því fulltrúi Rússlands hefur ekki keppt, hvað þá staðið á verðlaunapalli eða veifað rússneska fánanum, síðan 2014.

Rússar voru fyrst bannaðir eftir lyfjahneyksli og síðar innrásina í Úkraínu, en rússneskt íþróttafólk hefur vissulega keppt og unnið verðlaun undir hlutlausum merkjum á síðustu Ólympíumótum og -leikum.

Ákvörðun alþjóða íþróttasambands fatlaðra hefur fallið illa í kramið hjá mörgum, utanaðkomandi sem og innan sambandsins. Fjölmargar þjóðir kusu til að mynda að sniðganga opnunarhátíðina í gærkvöld.