Ágúst Ingi sjö­tti á tví­slá á heimsbikarmóti

Ágúst fékk 13.366 stig fyrir æfingar sínar í dag. Hann bætti sig talsvert frá undanúrslitunum þar sem hann fékk 13.300 stig.

Ágúst var áttundi inn í úrslitin en endaði þar í 6. sæti og hækkaði sig því um tvö sæti. Hann var eini Norðurlandabúinn sem komst í úrslit á tvíslá.

Árangurinn í dag skilar Ágústi mikilvægum stigum í baráttunni um að komast á heimsmeistaramótið í Rotterdam í Hollandi í haust.

Shohei Kawakami varð hlutskarpastur í úrslitunum í dag en Japaninn fékk 14.866 stig fyrir æfingar sínar.