Skipta­stjóri Play þarf að víkja

Þetta staðfestir Þórólfur Jónsson, lögmaður Birtu í málinu. Úrskurður þess efnis var kveðinn upp í Héraðsdómi Reykjavíkur klukkan 13.

Unnur Lilja var skipuð skiptastjóri þrotabús Play ásamt Arnari Þór Stefánssyni lögmanni skömmu eftir að Play var tekið til gjaldþrotaskipta. Niðurstaða málsins í dag hefur ekki áhrif á stöðu Arnars Þórs.

Eftir skipun þeirra kom í ljós að eiginmaður Unnar, Tómas Magnús Þórhallsson, er einn eigenda lögmannsstofunnar BBA/Fjeldco, sem var lögfræðilegur ráðgjafi Play þegar flugfélagið kláraði jafnvirði 2,8 milljarða króna útboð á breytanlegum skuldabréfum fáeinum vikum fyrir fall flugfélagsins, líkt og Innherji fjallaði um í desember.

Annar eiganda BBA/Fjeldco, Stefán Reykjalín, fór fram á að Play yrði tekið til gjaldþrotaskipta fyrir hönd félagsins þann 29. september síðastliðinn.