Kóngulóarsilki, Heilsuvera fyrir dýr og Ó­kind keppast um Gulleggið

Valið fór fram í kjölfar Masterclass Gulleggsins sem haldinn var í hátíðarsal Grósku þar sem saman kom fólk úr atvinnulífinu, frumkvöðlar og aðrir sérfræðingar til að miðla þekkingu sinni til þátttakenda. Í kjölfarið var opnað fyrir umsóknir í keppnina. 

Lokakeppni Gulleggsins fer fram 26. febrúar í hátíðarsal Grósku og verður keppninni streymt í beinni útsendingu á Vísi.

Það er félagið KLAK – Icelandic Startups heldur Gulleggið í 19. skiptið en hún hefur verið haldin árlega síðan árið 2008.

Þeim tíu teymum sem keppa um Gulleggið 2026 er lýst á eftirfarandi hátt í tilkynningu Gulleggsins:

• Affineva: Markmið Affineva er að þróa sértækar líftæknilausnir í greiningu og meðhöndlun sjúkdóma.
• Araxni: Líftækniframleitt köngulóarsilki fyrir sjávarútveg, textíl og fleira. Vefjum nýja framtíð - úr silki ekki plasti.
• Dýragáttin: Dýragáttin er eins og Heilsuvera fyrir dýr. Þar er hægt að finna allar upplýsingar um bólusetningar, örmerkingar, dýralæknaheimsóknir og annað sem tengist dýrunum okkar.
• E-Lísa: E-Lísa dregur úr áhættu í jarðvarmaþróun og tryggir að borholur skili áreiðanlegum og fyrirsjáanlegum afköstum.
• IORDEN: Hagkvæmur og sjálfvirkur gæðastjóri sem gerir smærri matvælaframleiðendum kleift að vera með allt IORDEN.
• Le Bát: Afhendum sjávargögn á sjálfbæran máta
• Norrstone: Stafrænt vistkerfi fyrir vottun, tryggð viðskiptavina, tryggingar og endursölu skartgripa.
• Ókind: Ókind notar líftækni til að þróa nýtt efni úr íslenskri ull.
• Replay! The Musical: Söngleikja-og „hryntölvuleikur“ þar sem þú, leikmaðurinn, ferð með aðalhlutverkið.
• STRUX: Markmið STRUX er að einfalda og hraða ferli byggingarleyfa.