Í að­gerð eftir skot­á­rás

Atvikið átti sér stað klukkan fjögur aðfaranótt þriðjudags að staðartíma í San Francisco. Lögreglan í borginni hefur ekki handtekið neinn vegna atviksins enn.

White var skotinn í ökklann og þurfti að undirgangast aðgerð vegna sára sinna. Meiðslin sökum skotsins eru hvorki talin setja líf hans né íþróttaferil í hættu.

White var á meðal áhorfanda á Ofurskálinni um helgina er hann sá fyrrum liðsfélaga sína í New England Patriots tapa fyrir Seattle Seahawks í leiknum um NFL-titilinn. Hann var valinn af Patriots í nýliðavalinu árið 2023 en skipti til San Francisco 49ers í fyrra.

Hann er annar leikmaður liðsins sem er skotinn á síðustu 18 mánuðum en Ricky Pearsall var skotinn í brjóstkassann í ránstilraun haustið 2024 en náði undraverðum bata á skömmum tíma.

Brian Robinson, þáverandi leikmaður liðsins, var skotinn tvisvar í fótinn í ránstilraun árið 2022 en sneri aftur á völlinn mánuði síðar.