Á­kærður fyrir morðið á kærustu sinni

Kærasta Darron Lee lést á heimili þeirra með grunsamlega stungusár.  Nú mun málið fara sína leið í réttarkerfinu.

Hinn 31 árs gamli Lee var handtekinn eftir að sjúkraflutningamenn voru kallaðir að húsi í bænum Ooltewah í bandaríska fylkinu Tennessee.

Í húsinu barðist kærasta Lee fyrir lífi sínu með stungusár og ekki tókst að bjarga lífi hennar.

Auk þess að vera ákærður fyrir morð er Darren Lee einnig sakaður um að hafa átt við sönnunargögn. Samkvæmt WTVC, sem The Guardian vísar til, hafði blóð verið þurrkað af nokkrum flötum á heimilinu.

„Bráðabirgðaniðurstöður benda til þess að andlát fórnarlambsins hafi verið af völdum morðs,“ skrifar skrifstofa sýslumannsins í Hamilton-sýslu í yfirlýsingu.

Nafn konunnar, sem var kærasta Lee, hefur ekki verið gefið upp og sagði lögreglan á staðnum að dauði hennar væri rannsakaður sem manndráp. 

Darron Lee var einn af efnilegustu háskólaleikmönnum Bandaríkjanna á meðan hann var í Ohio State University. Hann var síðar í Kansas City Chiefs-liðinu sem vann Super Bowl árið 2020.

Síðast spilaði Lee amerískan fótbolta í NFL-deildinni í nóvember 2020, en þá fyrir Buffalo Bills.

Hann verður leiddur fyrir dómara þann 11. febrúar. Samkvæmt TMZ hefur Lee áður játað sig sekan um líkamsárás og heimilisofbeldi.