Guð­mundur Leó bætti annað móts­met

Guðmundur setti nýtt mótsmet í 100 metra baksundi karla þegar hann synti á 57,21 sekúndu. Fyrra metið var 57,67 sekúndur og var í eigu Magnus Jakupsson frá Danmörku.

Guðmundur bætti einnig mótsmet í gær, sitt eigið mótsmet í 200 metra baksundi.

Rúmlega 250 keppendur, af íslensku og erlendu bergi brotnir, eru skráðir til leiks á Reykjavíkurleikunum (Reykjavík International Games, RIG).

Samkeppnin er því sterk í Laugardalslauginni en Guðmundur Leó er greinilega í hörkuformi og verður spennandi að sjá hvað hann gerir í úrslitunum í kvöld.