Gerir grín að klæða­burði liðsfélaga síns

Bowen hefur ekki spilað með Ármannsliðinu síðan í byrjun nóvember en hann er að glíma við meiðsli í baki. Bowen hefur því haft meiri tíma til að fylgjast með liðsfélögum sínum í Ármannsliðinu.

Bowen gerir grín að besta íslenska leikmanni Ármanns í nýrri færslu sinni á samfélagsmiðlum.

Þar er um að ræða hinn 22 ára gamla Braga Guðmundsson sem hefur skorað 22,3 stig og gefið 4,0 stoðsendingar að meðatali í fyrstu ellefu leikjum tímabilsins. Bragi hefur farið á kostum innan vallar og samkvæmt þessu utan vallar líka.

Bragi er greinilega mikill tískumaður í klæðaburði ef marka má grínmyndband Bowen og hefur boðið upp á alls konar klæðaburð þegar hann mætir í leiki með Ármanni.

Það má sjá dæmi um það í myndbandi Bowen hér fyrir neðan.