Elvar mætir í góðu stuði í landsliðsverkefni

Elvar og félagar hafa nú unnið fimm af fyrstu átta leikjum tímabilsins og komst með sigri kvöldsins upp í fjórða sæti deildarinnar.

Íslenski leikstjórnandinn er í nokkuð stóru hlutverki hjá Anwil og spilaði 23 mínútur í kvöld, en deilir stöðunni með Bandaríkjamanninum Eric Lockett.

Lockett spilaði tveimur mínútum meira en Elvar og skilaði mun fleiri stigum, eða alls 24 á meðan Elvar gerði 8.

Elvar var þó duglegri að leita liðsfélagana uppi og skilaði 4 stoðsendingum en Lockett aðeins 2.

Pólska deildin er nú komin í landsleikjafrí fram að 4. desember.

Elvar hittir íslenska landsliðið í næstu viku fyrir leiki gegn Ítalíu á útivelli þann 28. nóvember og gegn Bretlandi í Laugardalshöll þann 30. nóvember.