Holland getur fagnað HM-sæti en Þýska­land þarf stig

Þýskaland og Slóvakía eru jöfn á toppi A-riðils fyrir uppgjör liðanna í Þýskalandi á mánudaginn en Þjóðverjar eru með betri markatölu og dugar jafntefli.

Slóvakar halda í vonina eftir sigurmark Tomás Bobcek í uppbótartíma gegn Norður-Írlandi í kvöld, í 1-0 sigri, á sama tíma og Woltemade var að tryggja Þjóðverjum sinn sigur. Þó að Norður-Írar nái ekki öðru tveggja efstu sætanna í riðlinum þá fara þeir í HM-umspilið vegna árangurs á síðustu leiktíð í Þjóðadeildinni.

Í G-riðli gerðu Pólland og Holland 1-1 jafntefli þar sem Jakub Kaminski kom heimamönnum yfir í lok fyrri hálfleiks en Memphis Depay jafnaði snemma í seinni hálfleik.

Hollendingar eru efstir fyrir lokaumferðina, með 17 stig, þremur stigum fyrir ofan Pólverja en auk þess með þrettán mörkum betri markatölu.