Nokkrir látnir eftir að rútu var keyrt á bið­skýli

„Þetta er alvarlegt atvik,“ segir Sophie Gunnarsson, talsmaður samgöngufyrirtækisins SL, í samatali við Aftonbladet.

Rútan keyrði á skýli við Vallhallvagen í Östermalm-hverfinu um klukkan hálf fjögur að staðartíma, hálf þrjú á íslenskum tíma. 

Í yfirlýsingu lögreglu segir að hvorki fjöldi látinna né aldur eða kyn þeirra verði gefið upp að svo stöddu. Það liggur fyrir að nokkrir séu látnir og fjöldi slasaðir en nákvæmur fjöldi liggur ekki fyrir.

Samkvæmt heimildum Aftonbladet er málið rannsakað sem manndrápstilraun og hefur bílstjóri rútunnar verið handtekinn.

Fjöldi viðbragðsaðila er á vettvangi og hefur verið lokað fyrir umferð um svæðið.

„Einn hefur verið hadntekinn og munum við yfirheyra hann,“ segir Nadya Norton, fjölmiðlafulltrúi lögreglunnar í Stokkhólmi.