Ás­laug Arna kom al­blóðug inn í sjúkratjaldið

Áslaug Arna er þessa stundina búsett vestanhafs þar sem hún er í leyfi frá þingstörfum til að stunda nám við Columbia-háskóla. Inn á milli fyrirlestra gefst þó tími til að stunda líkamsrækt en það er aldrei hættulaust eins og lesendur geta glöggvað sig á í færslu Áslaugar Örnu á samfélagsmiðlum.

„Þetta átti ekki að vera hrekkjavökuhlaup en einhvern veginn tókst mér að gera það að því,“ skrifar hún við myndasyrpu frá hlaupinu, og aðhlynningunni í sjúkratjaldinu.

Hún tekur samt fram að henni hafi tekist að slá persónulegt met og hlaupa fimm kílómetra á undir 26 mínútum. Á einni myndanna sést hún halda stolt á gullpeningi með sauma í öðru augnvikinu.

„Það þarf víst einhver að prófa sjúkratjaldið,“ skrifar hún svo.