Upp­fyllti óskina og fékk soninn í fangið á á­tjándu

Eftir að Fleetwood tryggði sér sigurinn stökk sonur hans, Frankie, í fangið á honum, eitthvað sem hann hafði ekki fengið tækifæri til að gera áður.

„Þetta var það sem ég hugsaði um allan daginn. Gæti ég komið mér í stöðu til að láta þetta gerast,“ sagði Fleetwood.

„Þetta er bara einn af þessum litlu hlutum. Þetta hefur svo mikla þýðingu fyrir mig og var mjög svalt. Þetta er það sem ég vildi gera allan daginn. Ég vona að fleiri slík augnablik fylgi og vonandi fáum við tækifæri til að endurtaka leikinn.“

Frankie var ekki viðstaddur þegar Fleetwood vann sinn fyrsta mót á PGA-mótaröðinni í ágúst og var ekki nógu gamall til að vera á staðnum er Fleetwood hrósaði síðast sigri á DP heimsmótaröðinni.

Síðustu vikur hafa verið góðar fyrir Fleetwood en ekki er langt síðan hann vann Ryder-bikarinn ásamt félögum sínum í liði Evrópu.

Fleetwood lék samtals á 22 höggum undir pari á mótinu á Indlandi um helgina. Hann var tveimur höggum á undan Keita Nakajima frá Japan.