Ricky Hatton fyrir­fór sér

Hatton fannst látinn á heimili sínu 14. september síðastliðinn. Hann var 46 ára. Umboðsmaður og vinur Hattons, Paul Speak, kom að honum. Skömmu áður en hann lést hafði Hatton boðað endurkomu sína í hringinn.

Fjölskylda Hattons sá hann síðast 12. september en daginn eftir mætti hann ekki á viðburði eins og áætlað var. Þann 14. september átti Speak svo að sækja Hatton heim til hans í Hyde. Þeir áttu að fara til Dúbaí til að kynna endurkomubardaga Hattons sem átti að vera í byrjun desember.

Jarðarför Hattons fór fram að viðstöddu fjölmenni í dómkirkjunni í Manchester á föstudaginn.

Hatton keppti á árunum 1997-2012 og varð heimsmeistari í bæði léttveltivigt og veltivigt.

Hann lét eftir sig þrjú börn; soninn Campbell og dæturnar Fearne Grace og Millie.