Körfubolti

Bein út­sending: Ís­lensku stuðnings­mennirnir hita upp í Katowice

Ingvi Þór Sæmundsson skrifar
Það fer vel um íslenska stuðningsmenn, unga sem aldna, í Katowice í dag.
Það fer vel um íslenska stuðningsmenn, unga sem aldna, í Katowice í dag. vísir/Hulda Margrét

Stuðningsmenn íslenska karlalandsliðsins koma saman í miðborg Katowice fyrir fyrsta leikinn á EM. Vísir verður á staðnum.

Ísland mætir Ísrael í fyrsta leik sínum í D-riðli Evrópumótsins í dag. Leikurinn hefst klukkan 12:00 og verður í beinni textalýsingu á Vísi.

Allir leikirnir í D-riðli eru leiknir í Spodek í Katowice í Póllandi. Fyrir leikinn koma stuðningsmenn Íslands saman á staðnum Green Point í miðborg Katowice og hita upp fyrir stóru stundina.

Vísir verður á svæðinu og hefst bein útsending frá stuðningsmannasamkomunni á Vísi klukkan 09:30. Útsendinguna má sjá í spilaranum hér fyrir neðan.

Talið er að um 1.500-1.700 Íslendingar verði í Katowice til að fylgjast með íslenska liðinu á EM.

Auk Íslands og Ísraels eru Frakkland, Slóvenía, Pólland og Belgía í D-riðli Evrópumótsins sem hófst í gær.

EM 2025 í körfubolta Landslið karla í körfubolta

Mest lesið


Fleiri fréttir

Sjá meira


×

Mest lesið