Stólarnir semja við spænskan leikstjórnanda

Stólarnir hafa nú gengið frá samningi við spænska leikstjórnandann Alejandra Quirante um að spila með kvennaliðinu næsta vetur.

„Alejandra kemur til liðsins með reynslu úr efstu deild á Spáni og er ætlað að leiða liðið á vellinum. Martin, þjálfari Tindastóls segir Alejandru vera leikmann sem geti stjórnað takti leiksins og tekið réttar ákvarðanir. Hún muni einnig gera aðra leikmenn betri á vellinum,“ segir í frétt á miðlum Tindastóls.

Alejandra segist sjálf vera spennt að ganga til liðs við Tindastóls.

„Þetta verður ný og spennandi upplifun fyrir mig. Ég hef heyrt frábæra hluti um félagið og íslensku deildina, svo ég get ekki beðið eftir að byrja, hitta alla og byrja að spila,“ sagði Alejandra Quirante í fréttinni.

„Ég er viss um að ég mun læra mikið, bæði innan og utan vallar. Ísland lítur út fyrir að vera fallegt land og ég hlakka til að uppgötva menninguna, fólkið og auðvitað Sauðárkrók! Ég hlakka til þess sem koma skal – sé ykkur fljótlega,“ sagði Quirante.

Alejandra Quirante er 33 ára gömul og 168 sentímetrar á hæð.