Borgarbörnin orðin sveitaballasjúk: „Ef þú ferð þangað sérðu ekki einn síma á lofti“ Magnús Jochum Pálsson skrifar 18. júlí 2025 11:37 Hinrik og Paddi ásamt eldri félaga og svo með vini sínum Jóni. Þrír vinir í Borgarholtsskóla uppgötvuðu sveitaballamenningu í Vík í Mýrdal síðasta haust og hafa síðan þá farið á sveitaböll í níu bæjarfélögum. Þeir vilja auka hróður sveitaballsins, koma fleiri jafnöldrum á bragðið og dreymir um að halda sveitaball í borginni. Fréttastofa ræddi við Hinrik Steingrím Sigurðarson og Patrek Trausta Jóhannesson, menntaskólanema í Borgarholtsskóla, sem hafa ásamt þriðja vini verið duglegir að kynna sér sveitaballamenningu síðasta árið. „Þetta byrjaði af því að amma Padda sagði að við myndum aldrei fá að upplifa alvöru böll eins og þau voru í gamla daga. Þannig við fórum að reyna að finna út úr hvort það væri hægt að fara á svona alvöru böll, sveitaböll og það er heldur betur hægt í Vík í Mýrdal,“ segir Hinrik. Hafið þið farið víða? „Við erum búnir að fara tvisvar til Víkur í Gírdal, við erum búnir að fara á Hofsós, Hveragerði, Selfoss, Blönduós, Akureyri og Flúðir. Allt í allt níu bæjarfélög og stundum tvisvar til þrisvar á hverjum stað,“ segir Patrekur. Er þetta skemmtilegra en að djamma í bænum? „Þetta er á öðru leveli og að sjá gamla fólkið í þessum gír, sem þú gætir ekki ímyndað. Bæjarstjórinn með okkur á dansgólfinu allt kvöldið í Vík, það var rosalegt,“ segir Hinrik. Hinrik og Patrekur pósa með krullhærðum manni á sveitaballi. Lokað í sundi en sveitaball um kvöldið Upphafið að sveitaballasýki strákanna má rekja aftur til októbers í fyrra þegar strákarnir ætluðu að skella sér í sund í Vík. „Við vorum á leið í sund í Vík í Mýrdal af því Paddi á sveit þarna rétt hjá. Við ætluðum að fara ofan í en sundlaugin var lokuð því það var ekki nógu mikið heitt vatn. Þannig að við kíktum aðeins í íþróttahúsið og þar var kandífloss en bara ein manneskja inni í salnum,“ segir Hinrik. Fossaleit að kvöldi til. Þeir hafi spurt konuna hvað væri um að vera. „Strákar, vitið þið ekki hvað er að gerast? Það er Regnbogahátíð, stærsti viðburðurinn hérna í Vík í Mýrdal og svo er sveitaball á eftir,“ hafi konan svarað. „Við þurfum að komast þangað,“ hafi þeir hugsað með sér. Ballið reyndist vera svo mikil skemmtun og upplifun að strákarnir voru strax spenntir fyrir næsta balli. „Bæjarstjórinn og þeir sem voru að halda ballið sögðu okkur hvenær næsta ball væri og sögðu: ,Þið eruð velkomnir aftur hvenær sem þið viljið.' Af því við vorum með svo mikla stemmingu og þau höfðu aldrei séð stráka frá Reykjavík koma alla leið til Víkur í Mýrdal á sveitaball,“ segir Hinrik. Slepptu balli í Borgó fyrir Þorrablót Mýrdælinga Næsta ball hjá strákunum var þá Þorrablótið í Vík sem var haldið 25. janúar síðastliðinn. Strákarnir fórnuðu þar félagslífinu í Borgó fyrir annað smakk af sveitinni. Strákarnir við Seljalandsfoss. „Við slepptum nýársballinu í bænum í menntaskólanum okkar til að fara frekar á þorrablótið,“ segir Patrekur. „Fólkinu í vinahópnum okkar fannst það pínu skrítið,“ bætir Hinrik við. Eftir þetta voru strákarnir komnir á bragðið og fóru í kjölfarið markvisst að leita uppi sveitaböll. „Ég man að við löbbuðum út af ballinu og horfðum allir hver á annan og hugsuðum: ,Við verðum að gera meira af þessu,“ segir Patrekur. „Ef þú ferð þangað sérðu ekki einn síma á lofti“ Strákarnir segja snilldina við sveitaballið felast í samverunni. Strákarnir með reynslubolta. „Fólk á okkar aldri í Reykjavík mun aldrei skilja að þegar við löbbum þarna inn þá er „Fugladansinn“ í gangi. Stór hringur, stelpur innri hringur og strákar í ytri hring. Þegar lagið stoppar þá áttu að bjóða manneskjunni fyrir framan þig í dans. Þannig það eru allir saman á böllunum,“ segir Hinrik. „Og einn daginn munum við start-a þessu hérna, leigja hlöðu eða eitthvað, við munum gera þetta,“ bætir hann við. „Við viljum koma þessari gömlu menningu aftur í gang,“ segir Patrekur. „Okkur langar í þessa stemmingu þar sem allir eru saman. Ef þú ferð þangað sérðu ekki einn síma á lofti, það var horft skringilega á okkur þegar við tókum vídjó hver af öðrum,“ segir Hinrik. Íslenska tónlistin og trúbadorahljómsveitirnar séu lykilatriði að sögn Patreks. Fleiri krakkar þurfi að kynnast sveitaballinu Strákarnir vilja að sveitaböllin fái betra pláss og að þau sé auglýst betur en nú. „Við erum búnir að join-a fleiri fleiri bæjargrúppur á Facebook þar sem koma einstaka sinnum inn auglýsingar fyrir böll. Það er hvergi hægt að finna þetta á netinu nema inni á þessum heimasíðum bæjarfélaganna,“ segir Patrekur. „Þess vegna finnst mér að þetta ætti að vera meira á Instagram þar sem krakkar fá að sjá þetta. Það eru örugglega fleiri sem vilja kíkja á þetta en við,“ segir Hinrik. Strákarni fá sér eplasíder á balli. Framundan eru fleiri sveitaböll, næst á dagskrá er Húnavaka á Blönduósi. „Við mætum alltaf heila helgi og ballið er annað hvort á föstudagskvöldi eða laugardagskvöldi,“ segir Patrekur. „Þið fáið braggann“ „Síðan er það svo skemmtilegt að við reddum alltaf gistingu þegar við erum komnir á svæðið,“ segir Hinrik. Eftirminnilegasta gistingin hafi verið í Vík í Mýrdal í janúar þar sem var blindbylsveður. „Þegar við fórum á Þorrablótið þá gistum við fyrstu nóttina inni í gömlum sveitabragga ofan á bílnum mínum inni í tjaldi,“ segir Patrekur. „Við töluðum við bónda þarna í sveitinni og spurðum hvort við mættum gista og hann sagði: ,Þið fáið braggann. Við gistum bara inni í einhverjum eldgömlum herbragga,“ segir Hinrik. Mýrdalshreppur Dans Næturlíf Húnabyggð Mest lesið Stjörnulífið: „Mesta milf Íslands“ Lífið Trúlofuðu sig í laxveiði Lífið „Ég hef tapað vinum á því að eiga peninga“ Lífið Enn veldur Britney áhyggjum Lífið Borgarstjóri og bombur í brjálaðri GusGus-gleði Tónlist „Ég er tilbúin að vera þetta ofurpar sem okkur er ætlað að verða“ Lífið Áróðursvélar Netanjahús séu á fullu blasti í Eurovision Lífið Herra stal hund Sunnevu og mætti með hann í Bannað að hlæja Lífið Óraunverulegt að kaupa íbúð í miðborg London Lífið Hringdi í mömmu sem sagði einfaldlega: „Nói, nú kemur þú heim“ Áskorun Fleiri fréttir „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Sjá meira
Fréttastofa ræddi við Hinrik Steingrím Sigurðarson og Patrek Trausta Jóhannesson, menntaskólanema í Borgarholtsskóla, sem hafa ásamt þriðja vini verið duglegir að kynna sér sveitaballamenningu síðasta árið. „Þetta byrjaði af því að amma Padda sagði að við myndum aldrei fá að upplifa alvöru böll eins og þau voru í gamla daga. Þannig við fórum að reyna að finna út úr hvort það væri hægt að fara á svona alvöru böll, sveitaböll og það er heldur betur hægt í Vík í Mýrdal,“ segir Hinrik. Hafið þið farið víða? „Við erum búnir að fara tvisvar til Víkur í Gírdal, við erum búnir að fara á Hofsós, Hveragerði, Selfoss, Blönduós, Akureyri og Flúðir. Allt í allt níu bæjarfélög og stundum tvisvar til þrisvar á hverjum stað,“ segir Patrekur. Er þetta skemmtilegra en að djamma í bænum? „Þetta er á öðru leveli og að sjá gamla fólkið í þessum gír, sem þú gætir ekki ímyndað. Bæjarstjórinn með okkur á dansgólfinu allt kvöldið í Vík, það var rosalegt,“ segir Hinrik. Hinrik og Patrekur pósa með krullhærðum manni á sveitaballi. Lokað í sundi en sveitaball um kvöldið Upphafið að sveitaballasýki strákanna má rekja aftur til októbers í fyrra þegar strákarnir ætluðu að skella sér í sund í Vík. „Við vorum á leið í sund í Vík í Mýrdal af því Paddi á sveit þarna rétt hjá. Við ætluðum að fara ofan í en sundlaugin var lokuð því það var ekki nógu mikið heitt vatn. Þannig að við kíktum aðeins í íþróttahúsið og þar var kandífloss en bara ein manneskja inni í salnum,“ segir Hinrik. Fossaleit að kvöldi til. Þeir hafi spurt konuna hvað væri um að vera. „Strákar, vitið þið ekki hvað er að gerast? Það er Regnbogahátíð, stærsti viðburðurinn hérna í Vík í Mýrdal og svo er sveitaball á eftir,“ hafi konan svarað. „Við þurfum að komast þangað,“ hafi þeir hugsað með sér. Ballið reyndist vera svo mikil skemmtun og upplifun að strákarnir voru strax spenntir fyrir næsta balli. „Bæjarstjórinn og þeir sem voru að halda ballið sögðu okkur hvenær næsta ball væri og sögðu: ,Þið eruð velkomnir aftur hvenær sem þið viljið.' Af því við vorum með svo mikla stemmingu og þau höfðu aldrei séð stráka frá Reykjavík koma alla leið til Víkur í Mýrdal á sveitaball,“ segir Hinrik. Slepptu balli í Borgó fyrir Þorrablót Mýrdælinga Næsta ball hjá strákunum var þá Þorrablótið í Vík sem var haldið 25. janúar síðastliðinn. Strákarnir fórnuðu þar félagslífinu í Borgó fyrir annað smakk af sveitinni. Strákarnir við Seljalandsfoss. „Við slepptum nýársballinu í bænum í menntaskólanum okkar til að fara frekar á þorrablótið,“ segir Patrekur. „Fólkinu í vinahópnum okkar fannst það pínu skrítið,“ bætir Hinrik við. Eftir þetta voru strákarnir komnir á bragðið og fóru í kjölfarið markvisst að leita uppi sveitaböll. „Ég man að við löbbuðum út af ballinu og horfðum allir hver á annan og hugsuðum: ,Við verðum að gera meira af þessu,“ segir Patrekur. „Ef þú ferð þangað sérðu ekki einn síma á lofti“ Strákarnir segja snilldina við sveitaballið felast í samverunni. Strákarnir með reynslubolta. „Fólk á okkar aldri í Reykjavík mun aldrei skilja að þegar við löbbum þarna inn þá er „Fugladansinn“ í gangi. Stór hringur, stelpur innri hringur og strákar í ytri hring. Þegar lagið stoppar þá áttu að bjóða manneskjunni fyrir framan þig í dans. Þannig það eru allir saman á böllunum,“ segir Hinrik. „Og einn daginn munum við start-a þessu hérna, leigja hlöðu eða eitthvað, við munum gera þetta,“ bætir hann við. „Við viljum koma þessari gömlu menningu aftur í gang,“ segir Patrekur. „Okkur langar í þessa stemmingu þar sem allir eru saman. Ef þú ferð þangað sérðu ekki einn síma á lofti, það var horft skringilega á okkur þegar við tókum vídjó hver af öðrum,“ segir Hinrik. Íslenska tónlistin og trúbadorahljómsveitirnar séu lykilatriði að sögn Patreks. Fleiri krakkar þurfi að kynnast sveitaballinu Strákarnir vilja að sveitaböllin fái betra pláss og að þau sé auglýst betur en nú. „Við erum búnir að join-a fleiri fleiri bæjargrúppur á Facebook þar sem koma einstaka sinnum inn auglýsingar fyrir böll. Það er hvergi hægt að finna þetta á netinu nema inni á þessum heimasíðum bæjarfélaganna,“ segir Patrekur. „Þess vegna finnst mér að þetta ætti að vera meira á Instagram þar sem krakkar fá að sjá þetta. Það eru örugglega fleiri sem vilja kíkja á þetta en við,“ segir Hinrik. Strákarni fá sér eplasíder á balli. Framundan eru fleiri sveitaböll, næst á dagskrá er Húnavaka á Blönduósi. „Við mætum alltaf heila helgi og ballið er annað hvort á föstudagskvöldi eða laugardagskvöldi,“ segir Patrekur. „Þið fáið braggann“ „Síðan er það svo skemmtilegt að við reddum alltaf gistingu þegar við erum komnir á svæðið,“ segir Hinrik. Eftirminnilegasta gistingin hafi verið í Vík í Mýrdal í janúar þar sem var blindbylsveður. „Þegar við fórum á Þorrablótið þá gistum við fyrstu nóttina inni í gömlum sveitabragga ofan á bílnum mínum inni í tjaldi,“ segir Patrekur. „Við töluðum við bónda þarna í sveitinni og spurðum hvort við mættum gista og hann sagði: ,Þið fáið braggann. Við gistum bara inni í einhverjum eldgömlum herbragga,“ segir Hinrik.
Mýrdalshreppur Dans Næturlíf Húnabyggð Mest lesið Stjörnulífið: „Mesta milf Íslands“ Lífið Trúlofuðu sig í laxveiði Lífið „Ég hef tapað vinum á því að eiga peninga“ Lífið Enn veldur Britney áhyggjum Lífið Borgarstjóri og bombur í brjálaðri GusGus-gleði Tónlist „Ég er tilbúin að vera þetta ofurpar sem okkur er ætlað að verða“ Lífið Áróðursvélar Netanjahús séu á fullu blasti í Eurovision Lífið Herra stal hund Sunnevu og mætti með hann í Bannað að hlæja Lífið Óraunverulegt að kaupa íbúð í miðborg London Lífið Hringdi í mömmu sem sagði einfaldlega: „Nói, nú kemur þú heim“ Áskorun Fleiri fréttir „Hálfur áratugur með þér my love“ Herra stal hund Sunnevu og mætti með hann í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Sjá meira