Brott­reksturinn kom Horn­er í opna skjöldu

Margir reiknuðu með því að Horner yrði sagt upp störfum snemma árs 2024 eftir að óviðeigandi skilaboð hans til kvenkyns starfsmanns liðsins fóru í dreifingu en eftir rannsókn á málinu innanhúss hjá Red Bull ákvað liðið að aðhafast ekki frekar.

Horner ávarpaði samstarfsfólk sitt hjá Red Bull í morgun eftir tíðindin þar sem hann brast í grát og í lok ávarpsins var klappað vel og lengi fyrir honum.

„Þetta kom mér í opna skjöldu. Ég er búinn að fara yfir málin síðustu tólf tíma og ég vildi fá að standa fyrir framan ykkur og segja ykkur þetta sjálfur. Sömuleiðis vildi ég þakka fyrir mig og þakka hverjum einasta meðlimi í þessu liði sem hefur gefið svo ótrúlega mikið af sér síðustu 20 ár.“

Horner birti svo í kvöld færslu á Instagram þar sem hann þakkar kærlega fyrir sig: