„Ég er bara þokka­lega sáttur með okkar leik í dag“

„Við héldum boltanum ekki alveg nógu vel en við vorum bara flottir varnarlega í fyrri hálfleik og flottir varnarlega í seinni hálfleik og Valsmenn náðu aldrei að opna okkur.“ - Sagði Davíð sem vildi meina að klaufaleg mörk sem þeir gáfu hafi verið það sem að skildi liðin í dag.

„Vítið? Ég veit ekki með það, fyrra markið, gríðarlega klaufalegt. Svekktur með að fá ekkert út úr leiknum en sáttur við liðið, segi eins og það er.“

Rétt áður en Valur skoraði úr vítaspyrnu þá hafði Cafu verið tekinn niður hinumegin og vildi Davíð meina að ef það væri réttur dómur að þá hefði hann átt að fá gult spjald.

„Ég held að það segi sig sjálft að ef hann dæmir aukaspyrnu á Val að þá er það gult á Cafu. Það sáu það allir að þeir voru í brasi í dag.“ - Sagði Davíð sem einnig sendi út ákall til stuðningsmanna Vestra fyrir næsta leik, þar sem Vestri mætir Fram í bikarnum og getur komið sér í úrslitaleikinn gegn Val.

„Við þurfum á stuðningi að halda þegar vel gengur en einnig þegar illa gengur. Ég treysti að stuðningsmenn mæti á leikinn og styðji okkur“ - Sagði Davíð sem lét einnig eftir sér að hann hefði heyrt stuðningsmenn Vestra í stúkunni kvarta yfir því að sóknarleikur liðsins væri ekki nægilega góður.

„Ég verð bara að viðurkenna það að ég er mjög ánægður með það að standarinn sé orðinn þannig að við eigum að skora eitt, tvö, eða meira gegn sterku liði eins og Val.“