Körfubolti

Kevin Durant fer til Houston Rockets

Óskar Ófeigur Jónsson skrifar
Kevin Durant yfirgefur Phoenix Suns eftir tvö og hálf tímabil og spilar í Houston Rockets á komandi tímabili.
Kevin Durant yfirgefur Phoenix Suns eftir tvö og hálf tímabil og spilar í Houston Rockets á komandi tímabili. Getty/Ezra Shaw

Eftir marga vikna vangaveltur er loksins ljóst hvar stórstjarnan Kevin Durant spilar í NBA deildinni í körfubolta á næsta tímabili.

Það var ljóst að Durant yrði ekki áfram hjá Phoenix Suns en félagið leitaði að öðru félagi til að skipta á leikmönnum. Nokkur komu til greina.

Phoenix Suns náði að lokum samkomulagi við Houston Rockets.

Durant fer til Houston Rockets í skiptum fyrir þá Jalen Green, Dillon Brooks, tíunda valréttinn í 2025 nýliðavalinu og fimm valrétti í annarri umferð.

Jalen Green (22 ára) var með 21,0 stig í leik á síðasta tímabili og Dillon Brooks (29 ára) var með 14,0 stig í leik.

Durant verður 37 ára gamall á næsta tímabili en hann var með 26,6 stig, 6,0 fráköst og 4,2 stoðsendingar að meðaltali á sínu öðru heila tímabili með Phoenix Suns.

Durant hefur áður spilað með Seattle SuperSonics, Oklahoma City Thunder, Golden State Warriors og Brooklyn Nets á NBA ferlinum sem hófst árið 2007.

NBA

Mest lesið


Fleiri fréttir

Sjá meira


×

Mest lesið