Sport

Dag­skráin í dag: Erika berst við þá sænsku, úr­slit NBA og US Open

Sindri Sverrisson skrifar
Erika Nótt keppir á Icebox í kvöld í beinni útsendingu á Sýn Sport.
Erika Nótt keppir á Icebox í kvöld í beinni útsendingu á Sýn Sport. vísir/Sigurjón

Það er fjölbreytt og skemmtileg dagskrá á sportstöðvum Sýnar í dag og í kvöld þar sem meðal annars verður bein útsending frá Icebox hnefaleikakvöldinu, Opna bandaríska mótinu í golfi og úrslitaeinvígi NBA-deildarinnar í körfubolta.

Einn af hápunktum Icebox verður þegar hin 18 ára gamla Erika Nótt mætir í hringinn. Hún er aðeins átján ára gömul en hefur unnið IceBox sjö sinnum áður og síðast í fyrra. Viðburðurinn í ár verður stærri en nokkru sinni fyrr og verður gaman að sjá Eriku reyna sig gegn Noru Guslander frá Svíþjóð, sem á að baki yfir hundrað bardaga og er um fertugt, hæglega nógu gömul til að vera móðir Eriku.

Opna bandaríska mótið í golfi, eitt risamótanna fjögurra, heldur svo áfram á Sýn Sport Viaplay og þá verður hitað rækilega upp fyrir fjórða leik einvígis Indiana Pacers og Oklahoma City Thunder áður en leikurinn sjálfur hefst svo laust eftir miðnætti. Oklahoma þarf þar að svara fyrir sig eftir að hafa lent 2-1 undir.

Sýn Sport

20:20 Icebox 8 (Hnefaleikar)

Sýn Sport Viaplay

16:00 US Open (Golf)

Sýn Sport 2

00:00 NBA Finals upphitun (Körfubolti)

00:30 Pacers - Thunder (Körfubolti)

Sýn Sport 4

19:00 Meijer LPGA Classic (Golf)

Mest lesið


Fleiri fréttir

Sjá meira


×

Mest lesið