„Minn draumur er að fá að spila í úr­slita­keppninni“

Hinn tvítugi Hilmir Arnarson gerir tveggja ára samning við Álftanes. Hilmir var valinn besti ungi leikmaður Bónus-deildar karla eftir síðasta tímabil en þá lék hann með Haukum sem féllu niður í 1. deild. Álftanes fór alla leið í undanúrslit í Bónusdeildinni.

„Mér finnst það vera gott skref að fara í Álftanes og þar er mikil uppbygging í gangi. Þeir hafa verið að taka alltaf næsta skref eftir hvert einasta tímabil. Mér finnst Kjartan Atli mjög spennandi þjálfari og hlakka til að vinna með honum,“ segir Hilmir í Sportpakkanum á Stöð 2 í gærkvöldi.

Fékk sjálfstraust

Eftir áramót var Hilmir í stóru hlutverki hjá liðinu og skoraðu þá rúm tíu stig í leik, í mjög sterkri deild. Hilmir hefur leikið á fjórða tug leikja fyrir yngri landslið Íslands og verið í lykilhlutverki. Hann er hluti af mögnuðu U-18 ára landsliði sem tryggði sér sæti í A-deild Evrópukeppninnar.

„Maður fékk traustið eftir áramót og var vaxandi eftir því sem leið á tímabilið og með því fékk ég meira sjálfstraust. Þetta hlutverk gerði mikið fyrir mig og mun hjálpa mér að spila áfram í þessari deild. Það var alveg partur af mér sem vildi koma Haukum á þann stað sem þeir eiga heima en þegar Álftanes hrindi þá var þetta aldrei nein spurning. Minn draumur er að fá að spila í úrslitakeppninni og komast langt.“

Hilmir leiddi deildina í vítanýtingu eða 95,7 prósent en Álftnesingar voru heilt yfir með nokkuð dapra vítanýtingu á tímabilinu. Getur Hilmir ekki kennt Álftnesingum að taka víti?

„Jú jú, ég get gert það.“