Unga fólkið sækir í sviss­nesk TAG Heuer

Saga TAG Heuer teygir sig aftur um meira 160 ár og stendur fyrirtækið fyrir nákvæmni, framúrskarandi hönnun og nýsköpun.

„Tengingin við kappakstur og tímatökur gerir úrin virkilega spennandi og þau eru tákn fyrir hraða, tækni og stíl,“ segir Guðbjörg en nýlega endurvakti TAG Heuer samstarf sitt við Formúlu 1 eftir langt hlé sem opinber tímatökuaðili formúlunnar. 

Formúla 1 línan frá TAG Heuer er notuð af Red Bull Racing sem er eitt af fremstu keppnisliðunum í heiminum í dag.

„Formúlu 1 úrin eru sportleg, áberandi úr sem eru frábær fyrstu úr fyrir þá sem eru að stíga sín fyrstu skref í úraheiminum og vilja vönduð úr á viðráðanlegu verðbili.“

Hún nefnir einnig klassískari línur á borð við Carrera og Monaco en Monaco er eitt af þessum táknrænu úrum frá TAG Heuer – byltingarkennd hönnun sem hefur sögulega tengingu við kvikmyndasöguna.

„Leikarinn Steve McQueen bar Monaco úrið í kvikmyndinni Le Mans frá 1971. Það er virkilega glæsilegt og hefur ákveðna sérstöðu sem ferkantað skeiðklukkusportúr. Carrera úrin eru fyrir þá sem eru komnir lengra og vilja klassísk, stílhrein og fáguð úr sem endast og eldast vel. Þá er TAG Heuer er einnig með sterka línu af dömuúrum en við sjáum að konur eru í auknum mæli að velja vönduð úr sem eru bæði stílhrein og töff.“

Guðbjörg segir þó meiri menningu í kringum úr hjá strákum.

„Þeir tala saman um úrin, ræða hönnunina, úrverkið, og stílinn. Við sjáum fólk er að byrja snemma að hugsa um góð úr og TAG Heuer eru þannig hönnuð að þú getur þroskast með úrinu. Í gamla daga fékk maður úr í fermingargjöf og bar það um ókomin ár. Í dag velur fólk sér úr eftir aðstæðum, tilefni og fötum,“ segir Guðbjörg og bætir við að gæðaúr eru orðin vinsæl útskriftargjöf hjá unga fólkinu sem er að stíga sín fyrstu skref á vinnumarkaðnum.