Golf

Á­standið á Urriðavelli ekki gott og Ís­lands­mótið fært á Hlíðavöll

Ágúst Orri Arnarson skrifar
Anna Júlía Ólafsdóttir vann mótið á Hlíðavelli í fyrra og hefur nú færi á að verja titilinn á sama stað.
Anna Júlía Ólafsdóttir vann mótið á Hlíðavelli í fyrra og hefur nú færi á að verja titilinn á sama stað. golfsamband íslands

Íslandsmótið í holukeppni kvenna fer fram á Hlíðavelli í Mosfellsbæ 20. - 23. júní. Til stóð að mótið færi fram viku fyrr, á Urriðavelli í Garðabæ 13.-15. júní, en eftir mat á vallaraðstæðum var ákveðið að færa mótið.

Golfsamband Íslands segir sameiginlega ákvörðun mótsstjórnar og Golfklúbbsins Odds „að ástand flata á Urriðavelli væri því miður ekki nægilega gott svo að upplifun keppenda yrði sú sem allir vilja.“

Mótinu hefur því verið frestað um eina viku og fært á Hlíðavöll í Mosfellsbæ. Kvennamótið mun þá fara fram samhliða karlaflokki.

Kvennaflokkur mun leika 36 holu höggleik á föstudegi, frí á laugardegi, sextán manna úrslit og átta manna úrslit á sunnudegi og undanúrslit og úrslit á mánudegi.

Anna Júlía Ólafsdóttir úr GKG er ríkjandi Íslandsmeistari kvenna í holukeppni, hún vann mótið í fyrsta sinn í fyrra.

Nánar um mótið, skráningu keppenda og þátttökuskilmála má finna á heimasíðu Golfsambandsins.

Golf

Mest lesið


Fleiri fréttir

Sjá meira


×

Mest lesið