Dregur til baka hluta á­sakana á hendur Baldoni

Eins og Vísir hefur greint frá hefur Lively sakað Baldoni um kynferðislega áreitni og hefur stefnt fyrir áreitni og að hafa leitt áróðursherferð hans gegn sér. Þá hefur hún einnig sakað mótleikara sinn um að hafa valdið henni andlegum skaða en virðist nú ætla að draga þær ásakanir til baka. 

Í umfjöllun Variety segir að lögfræðiteymi Baldoni hafi óskað eftir að Lively léti af hendi gögn um heilbrigðisþjónustu sem hún sótti sér í kjölfar hins meinta ofbeldis, meðal annars um sálfræðiheimsóknir og efni þeirra. Beiðnin var lögð fram vegna frásagna hennar um að hún kljáist við alvarlega streitu og andlegan sársauka vegna meintra brota hans gegn henni. 

Í framhaldi beiðninnar segir Variety að hún hafi dregið til baka ásakanir á hendur honum um að hann hafi valdið henni tilfinningalegum skaða, bæði af ásetningi og af gáleysi. 

Þá kemur fram að dómstóllinn í Kaliforníu, þar sem málið er rekið, ákveði í framhaldinu hvort dómurinn fallist á að falla frá hluta ásakananna í kæru Lively. Fallist dómurinn ekki á það ber henni að afhenda umrædd gögn um heilbrigðisþjónustu í þeim tilgangi að hægt verði að varpa ljósi á umfang hins andlega ofbeldis sem Lively sakar Baldoni um.