Út­skrifuð af geð­deild daginn fyrir stunguárásina í Ham­borg

Konan, sem er 39 ára gömul, hefur játað verknaðinn, að sögn saksóknara. Hún er frá Neðra-Saxlandi þar sem hún á sér sögu afbrota undanfarin ár, að sögn þýska fjölmiðilsins Deutsche Welle. Engar vísbendingar hafi þó verið um að hún hafi beitt hnífi áður.

Talsmaður heilbrigðisráðuneytis Neðra-Saxlands segir að konan hafi nokkrum sinnum komið á lögreglustöðvar þar og sýnt skýr merki um geðrof. Eftir uppákomu í byrjun þessa mánaðar hafi dómstóll skipað fyrir um að hún yrði vistuð á geðdeild í Cuxhaven.

Konan var útskrifuð eftir þrjá vikur þar sem engar læknisfræðilegar ástæður voru taldar réttlæta að henni yrði haldið lengur á geðsjúkrahúsinu.

Dómari skipaði fyrir um að konan skyldi enn vistuð á geðdeild eftir að hún var handtekin á föstudagskvöld. Hún er sökuð um fimmtán tilraunir til manndráps og stórfelldar líkamsárásir. Hin þrjú sem slösuðust í árásinni ýmist duttu eða urðu fyrir áfalli.

Þrjá konur; 24, 52 og 85 ára gamlar, og 24 ára gamall karlmaður særðust lífshættulega. Ástandi þeirra er nú lýst sem stöðugu.