Lífið

Svona verður röð laganna á laugar­daginn

Elín Margrét Böðvarsdóttir skrifar
Íslenski hópurinn verður 10. á svið.
Íslenski hópurinn verður 10. á svið. Getty/Harold Cunningham

Nú liggur fyrir í hvaða röð framlög landanna sem hafa tryggt sér sæti í úrslitum Eurovision á laugardaginn stíga á svið. Væb-bræður ásamt fríðu föruneyti Íslands verða tíunda atriðið á svið, beint á eftir JJ frá Austurríki sem er spáð afar góðu gengi í keppninni, og á undan sönghópnum Tautumeitas frá Lettlandi.

Hinn norski Kyle Alessandro mun opna lokakvöldið þegar hann stígur fyrstur á svið með framlag Noregs, Lighter en það er svo albanski dúettinn Shkodra Elektronike sem verður 26. á svið og lokar keppninni.

Ísland var fyrst á svið á þriðjudaginn en það verða Norðmenn sem opna keppnina á laugardaginn.Getty/Jens Büttner

Á seinna undanúrslitakvöldinu í gær tryggðu bæði Danir og Finnar sér farseðil í úrslitin á laugardaginn en á þriðjudaginn varð ljóst að Ísland, Svíþjóð og Noregur yrðu einnig með í úrslitunum. Þetta verður í fyrsta sinn í allnokkur ár sem öll Norðurlöndin keppa á úrslitakvöldi Eurovision.

Hér má sjá röð laganna 26 sem taka þátt á laugardaginn

1. Noregur | Kyle Alessandro – Lighter

2. Lúxemborg | Laura Thorn – La Poupée Monte Le Son

3. Eistland | Tommy Cash – Espresso Macchiato

4. Ísrael | Yuval Raphael – New Day Will Rise

5. Litháen | Katarsis – Tavo Akys

6. Spánn | Melody – ESA DIVA

7. Úkraína | Ziferblat – Bird of Pray

8. Bretland | Remember Monday – What The Hell Just Happened?

9. Austurríki | JJ – Wasted Love

10. Ísland | VÆB – RÓA

11. Lettland | Tautumeitas – Bur Man Laimi

12. Holland | Claude – C’est La Vie

13. Finnland | Erika Vikman – ICH KOMME

14. Ítalía | Lucio Corsi | Volevo Essere Un Duro

15. Pólland | Justyna Steczkowska – GAJA

16. Þýskaland | Abor & Tynna – Baller

17. Grikkland | Klavdia – Asteromáta

18. Armenía | PARG – SURVIVOR

19. Sviss | Zoë Më – Voyage

20. Malta | Miriana Conte – SERVING

21. Portúal | NAPA – Deslocado

22. Danmörk | Sissal – Hallucination

23. Svíþjóð | KAJ – Bara Bada Bastu

24. Frakkland | Louane – maman

25. San Marínó | Gabry Ponte – Tutta L’Italia

26. Albanía | Shkodra Elektronike – Zjerm

Fréttin hefu verið uppfærð með íslenskum nöfnum landanna.

Eurovision Eurovision 2025


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.