Eliza Reid efst á bóksölulistanum

Jakob Bjarnar skrifar 8. maí 2025 15:13

Eliza Reid, fyrrverandi forsetafrú, trónir á toppi bóksölulistans fyrir aprílmánuð með bók sína Diplómati deyr. vísir/Egill

Félag íslenskra bókaútgefenda hefur gefið út bóksölulista fyrir aprílmánuð og það kemur eflaust einhverjum á óvarta en fyrrverandi forsetafrú trónir þar á toppi með bók sína Diplómati deyr.

„Eliza Reid verður eflaust kát með dauða diplómatann og fyllir út í hvaða ramma sem er, ein og sér. Annars má nefna að þetta sé árstími þýddra skáldverka eins og listinn ber með sér. Af 20 mest seldu bókum síðasta mánaðar eru aðeins tvær frumsamdar bækur, skáldsagan Kúnstpása eftir Sæunni Gísladóttur og barnabókin Árstíðarverur eftir Diljá Hvannberg Gagu,“ segir Bryndís Loftsdóttir framkvæmdastjóri Fíbút.

Listinn skartar fjölbreyttum skáldverkum og glæpasögur eru svolítið minna áberandi en oft áður.

„Fiðrildaherbergið eftir höfund systrabókanna vinsælu, Lucindu Riley er í öðru sæti. Þá er Claire Keegan sem sótti nýafstaðna Bókmenntahátíð og fyllti þar tvo viðburði út úr dyrum er í níunda sætimeð bók sína Seint og um síðir. Þarna er líka franski Nóbelsverðlaunahafinn Annie Ernaux með Atburðurinn auk fjölda annarra þýddra verka sem lesendur munu án efa kynna sér á eigin spýtur.“

Bryndís vill að endingu nefna að hún er afar kát með að nýútkomna barnabók, Týr eftir Juliu Donaldsson, höfund hinna geysivinsælu Greppiklóarbóka með myndum Axels Schefflers. Annars lítur bóksölulistinn svona út:

Bóksölulistinn í apríl 2025

Diplómati deyr - Eliza Reid, þýð. Magnea J. Matthíasdóttir
Fiðrildaherbergið - Lucinda Riley, þýð. Valgerður Bjarnadóttir
Handbók fyrir ofurhetjur 10 : Allir ljúga - Elias & Agnes Vahlun, þýð. Ingunn Snædal
Mýrarljós - Viveca Sten, þýð. Elín Guðmundsdóttir
Sögur á sveimi - Ann Cleeves, þýð. Ragnar Hauksson
Spæjarastofa Lalla og Maju : Hjólaráðgátan - Martin Widmark, þýð. Æsa Guðrún Bjarnadóttir
Skilnaðurinn - Moa Herngren, þýð. Sigurður Þór Salvarsson
Millileikur - Sally Rooney, þýð. Bjarni Jónsson
Seint og um síðir - Claire Keegan, þýð. Helga Soffía Einarsdóttir
Aldrei, Aldrei - Colleen Hoover, þýð. Birgitta Elín Hassell og Marta Hlín Magnadóttir
Sólskinsdagar og sjávargola - Carole Matthews, þýð. Anna María Hilmarsdóttir
Árstíðarverur - Diljá Hvannberg Gagu, myndir Linn Janssen
Týr - Julia Donaldson, þýð. Sigríður Ásta Árnadóttir
Þegar ástin deyr - Clare Swatman, þýð. Illugi Jökulsson
Kúnstpása - Sæunn Gísladóttir
Atburðurinn - Annie Ernaux, þýð. Þórhildur Ólafsdóttir
Nýtt líf - Danielle Steel, þýð. Snjólaug Bragadóttir
Rauðhetta : glæpasaga - Unni Lindell, þýð. Snjólaug Bragadóttir
Mírabella brýtur reglurnar - Harriet Muncaster, þýð. Ingunn Snædal
Skipið úr Ísfirði - Nina von Staffeldt, þýð. Lára Sigurðardóttir