Fótbolti

Mark­maðurinn á bata­vegi eftir harka­legt höfuð­högg

Ágúst Orri Arnarson skrifar
Kevin Müller fékk harkalegt höfuðhögg og heilahristing en náði fljótt meðvitund og er sagður á batavegi.
Kevin Müller fékk harkalegt höfuðhögg og heilahristing en náði fljótt meðvitund og er sagður á batavegi.

Kevin Müller, markmaður Heidenheim í þýsku úrvalsdeildinni, fékk harkalegt höfuðhögg í leik liðsins gegn VFL Bochum í gær og var fluttur á spítala. Hann fékk heilahristing en er nú á batavegi, óvíst er hversu lengi hann verður frá keppni.

Atvikið átti sér stað snemma í seinni hálfleik þegar Müller mætti út í fyrirgjöf og fékk andstæðinginn Ibrahima Sissoko í fangið. Þeir skullu saman með slæmum afleiðinum fyrir Müller.

Leikurinn var stöðvaður í einhverjar ellefu mínútur meðan hlúið var að Müller. Hann var síðan borinn af velli og fluttur á sjúkrahús.

Kevin var borinn af velli og fluttur á sjúkrahús þar sem hann eyddi nóttinni.

Frank Schmidt, þjálfari Heidenheim, staðfesti í viðtali eftir leik að Müller hafi náð meðvitund aftur meðan verið var að bera hann af velli.

Félagið sendi svo frá sér yfirlýsingu í dag þar sem staðfest var að Müller hefði fengið heilahristing. Honum var óskað góðs bata en óvíst er hversu lengi hann verður frá keppni.

Þýski boltinn

Mest lesið


Fleiri fréttir

Sjá meira


×

Mest lesið