Hver myndi vinna í slag, hundrað gaurar eða ein górilla? Magnús Jochum Pálsson skrifar 30. apríl 2025 15:16 Á hægri hönd má sjá Silfurbak, karlkyns górillu, en á vinstri hönd má sjá þó nokkra mennska karla. Getty Hver myndi vinna slag milli hundrað gaura og einnar górilla? Þessi spurning hefur tröllriðið netheimum undanfarið. Górillan er margfalt sterkari en meðalmaður en mennirnir eru aftur á móti ansi margir. Sérfræðingar virðast sammála um úrslit bardagans. Jarmfræðiorðabókin Know Your Meme, ítarlegur gagnagrunnur um meme, segir spurninguna um slag 100 manna við eina górillu að minnsta kosti ná aftur til febrúar 2022 þegar TikTok-notandinn Yuri5kp2 birti myndband þar sem hann spurði fylgjendur sína út í slagsmálin. Þremur árum seinna skaut spurningin aftur upp kollinum á TikTok í seinni hluta apríl og dreifðist svo áfram til X (áður Twitter) og Instagram. Síðan smitaðist hún úr netheimum í raunheima. Á ESPN velti sjónvarpsmaðurinn Stephen A. Smith spurningunni fyrir sér og taldi mennina geta unnið ef hver og einn þeirra væri í líki Dwayne „Steina“ Johnson, fyrrverandi glímukappa. Samfélagsmiðlastjarnan Mr. Beast, sem hefur aflað sér vinsælda með því að láta fólk keppa í allskonar áskorunum, grínaðist með að hann væri að leita að hundrað sjálfboðaliðum til að berjast við górillu. „Sjálfsagt, hvað er það versta sem gæti gerst?“ svaraði auðkýfingurinn Elon Musk. Mennirnir með taktískt forskot En hvað segja sérfræðingar í prímötum um þessa tilgátuspurningu? Tara Stoinski, forseti Górillusjóðs Dian Fossey (e. Dian Fossey Gorilla Fund) og vísindamaður, sagði við Forbes að vanalega myndi hinn blíði risi aldrei taka þátt í slíkum bardaga. En ef til hans kæmi myndu mennirnir hundrað sennilega vinna þó þeir myndu ekki allir lifa bardagann af. Ferðamenn fylgjast með górillu í skógum Austur-Kongó.Getty Silfurbakur, sem er heiti karlkyns górillunnar, getur vegið allt að 180 kíló og er talið að hann sé fjórum til tíu sinnum sterkari en meðalmaðurinn. Augljóslega myndi górilla vinna einn mann í slag en þegar kemur að hundrað mönnum þyngist róður górillunnar. „Menn geta notað margar mismunandi aðferðir til að taka niður górillu. Þeir geta unnið í bylgjum, þeir geta umkringt og afvegaleitt, þeir geta samstillt aðgerðir sínar. Við erum ótrúleg í samvinnu þegar við viljum vera það,“ sagði Stoinski við Forbes. If 20 of us grab his arms, another 20 grab his legs, another 20 grab his head, the other 40 can stomp him out in the nuts and his neck. Gorilla Beaters on 3: https://t.co/y1EqsFvXfc pic.twitter.com/gtzmBGtvfo— Salo (@Saloshome) April 27, 2025 Þetta taktíska forskot myndi gera það að verkum að mennirnir myndu þreyta górilluna hægt og rólega þar til hún yrðir yfirbuguð. Þá sagði hún að fólk ætti frekar að einblína á hvernig væri hægt að hjálpa górillum en sigra þær í slag, górillur væru í útrýmingarhættu af manna völdum. I’m telling the gorillas what yall saying btw pic.twitter.com/SbZOATAIz8— ethical hater (@DijahSB) April 28, 2025 Hálsbrot, bitsár og heilablæðingar Ron Magill, náttúruverndarsinni og náttúrulífsljósmyndari, var einnig spurður út í spurninguna og sagði við Rolling Stone að hann myndi aldrei vilja sjá slíkan bardaga eiga sér stað. Slík spurning sannaði helst að fólk hefði of mikinn tíma á höndum til að velta fyrir sér alls konar rugli. Taldi Magill hundrað menn á besta aldri og í góðu formi myndu sigra górillu í slag ef þeir væru samhentir og skipulagðir. Gervigreindin telur bardagann myndu líta einhvern veginn svona út. Mennirnir mættu þó eiga von á „miklum skaða sem gæti auðveldlega falið í sér dauðsföll af völdum hálsbrota, harkaleg bitsár á slagæðum, alvarleg höfuðhögg sem myndu leiða til banvænna heilablæðinga og köfnunar þegar menn myndu hrúgast ofan á hver annan,“ sagði Magill við Rolling Stone. Fyrir mennina næst górillunni væri um kamikaze-verkefni að ræða. Margir eftirlifenda myndu sennilega lamast eða afmyndast af völdum górillunnar. Að sögn Magill gætu mennirnir yfirbugað górilluna með því að veita henni nægilega mörg högg. Besta aðferðin væri sennilega að umkringja górilluna alveg þannig hún gæti ekki andað eða hreyft útlimi sína. Ef marka má þessa tvo sérfræðinga er svarið því ljóst. Hins vegar má aldrei vanmeta gunguskap manneskjunnar og alls ekki víst að mennirnir hundrað gætu unnið markvisst saman. Raunverulegt svar við spurningunni munum við heldur aldrei fá. someone simulated 100 men vs 1 gorilla 😭 pic.twitter.com/9F2hTldLDt— juju 💰 (@ayeejuju) April 28, 2025 Dýr Glíma Samfélagsmiðlar TikTok Mest lesið Aron Kristinn orðinn pabbi Lífið „Þvílíkur fílingur bara“ Lífið Umboðsmaður Jenner lést af slysförum Lífið Norah Jones: Tíminn stóð í stað þar til ljóskastarinn vakti mann Gagnrýni Vonbrigði að aðeins tvær konur komi fram á Kótelettunni Lífið Komu Balmain Hair Couture í Hagkaup fagnað með glæsilegum viðburði Lífið samstarf „Fólk sleppur ekkert auðveldlega frá mér“ Lífið Einbýli í Breiðholti úr smiðju Rutar Kára Lífið „Ég fæ alltaf gæsahúð af góðum texta“ Lífið Bylgjulestin mætir á Írska daga á Akranesi Lífið samstarf Fleiri fréttir Aron Kristinn orðinn pabbi Vonbrigði að aðeins tvær konur komi fram á Kótelettunni Sumarlegt grillsalat að hætti Hildar Rutar Umboðsmaður Jenner lést af slysförum „Þvílíkur fílingur bara“ „Ég fæ alltaf gæsahúð af góðum texta“ Rósa og Hersir orðin foreldrar Einbýli í Breiðholti úr smiðju Rutar Kára „Fólk sleppur ekkert auðveldlega frá mér“ Staðfesta sambandsslitin Ætla að synda frá Elliðaey til Heimaeyjar Michael Madsen er látinn Kvenorkan tók yfir á Garðatorgi Björt og Fannar selja einbýlishús fyrir 90 milljónir Anna Guðný fann ástina í faðmi kraflyftingamanns Lykla-Pétur fauk á haf út Sigraðist á krabba og komst að óléttu samdægurs Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Sjá meira
Jarmfræðiorðabókin Know Your Meme, ítarlegur gagnagrunnur um meme, segir spurninguna um slag 100 manna við eina górillu að minnsta kosti ná aftur til febrúar 2022 þegar TikTok-notandinn Yuri5kp2 birti myndband þar sem hann spurði fylgjendur sína út í slagsmálin. Þremur árum seinna skaut spurningin aftur upp kollinum á TikTok í seinni hluta apríl og dreifðist svo áfram til X (áður Twitter) og Instagram. Síðan smitaðist hún úr netheimum í raunheima. Á ESPN velti sjónvarpsmaðurinn Stephen A. Smith spurningunni fyrir sér og taldi mennina geta unnið ef hver og einn þeirra væri í líki Dwayne „Steina“ Johnson, fyrrverandi glímukappa. Samfélagsmiðlastjarnan Mr. Beast, sem hefur aflað sér vinsælda með því að láta fólk keppa í allskonar áskorunum, grínaðist með að hann væri að leita að hundrað sjálfboðaliðum til að berjast við górillu. „Sjálfsagt, hvað er það versta sem gæti gerst?“ svaraði auðkýfingurinn Elon Musk. Mennirnir með taktískt forskot En hvað segja sérfræðingar í prímötum um þessa tilgátuspurningu? Tara Stoinski, forseti Górillusjóðs Dian Fossey (e. Dian Fossey Gorilla Fund) og vísindamaður, sagði við Forbes að vanalega myndi hinn blíði risi aldrei taka þátt í slíkum bardaga. En ef til hans kæmi myndu mennirnir hundrað sennilega vinna þó þeir myndu ekki allir lifa bardagann af. Ferðamenn fylgjast með górillu í skógum Austur-Kongó.Getty Silfurbakur, sem er heiti karlkyns górillunnar, getur vegið allt að 180 kíló og er talið að hann sé fjórum til tíu sinnum sterkari en meðalmaðurinn. Augljóslega myndi górilla vinna einn mann í slag en þegar kemur að hundrað mönnum þyngist róður górillunnar. „Menn geta notað margar mismunandi aðferðir til að taka niður górillu. Þeir geta unnið í bylgjum, þeir geta umkringt og afvegaleitt, þeir geta samstillt aðgerðir sínar. Við erum ótrúleg í samvinnu þegar við viljum vera það,“ sagði Stoinski við Forbes. If 20 of us grab his arms, another 20 grab his legs, another 20 grab his head, the other 40 can stomp him out in the nuts and his neck. Gorilla Beaters on 3: https://t.co/y1EqsFvXfc pic.twitter.com/gtzmBGtvfo— Salo (@Saloshome) April 27, 2025 Þetta taktíska forskot myndi gera það að verkum að mennirnir myndu þreyta górilluna hægt og rólega þar til hún yrðir yfirbuguð. Þá sagði hún að fólk ætti frekar að einblína á hvernig væri hægt að hjálpa górillum en sigra þær í slag, górillur væru í útrýmingarhættu af manna völdum. I’m telling the gorillas what yall saying btw pic.twitter.com/SbZOATAIz8— ethical hater (@DijahSB) April 28, 2025 Hálsbrot, bitsár og heilablæðingar Ron Magill, náttúruverndarsinni og náttúrulífsljósmyndari, var einnig spurður út í spurninguna og sagði við Rolling Stone að hann myndi aldrei vilja sjá slíkan bardaga eiga sér stað. Slík spurning sannaði helst að fólk hefði of mikinn tíma á höndum til að velta fyrir sér alls konar rugli. Taldi Magill hundrað menn á besta aldri og í góðu formi myndu sigra górillu í slag ef þeir væru samhentir og skipulagðir. Gervigreindin telur bardagann myndu líta einhvern veginn svona út. Mennirnir mættu þó eiga von á „miklum skaða sem gæti auðveldlega falið í sér dauðsföll af völdum hálsbrota, harkaleg bitsár á slagæðum, alvarleg höfuðhögg sem myndu leiða til banvænna heilablæðinga og köfnunar þegar menn myndu hrúgast ofan á hver annan,“ sagði Magill við Rolling Stone. Fyrir mennina næst górillunni væri um kamikaze-verkefni að ræða. Margir eftirlifenda myndu sennilega lamast eða afmyndast af völdum górillunnar. Að sögn Magill gætu mennirnir yfirbugað górilluna með því að veita henni nægilega mörg högg. Besta aðferðin væri sennilega að umkringja górilluna alveg þannig hún gæti ekki andað eða hreyft útlimi sína. Ef marka má þessa tvo sérfræðinga er svarið því ljóst. Hins vegar má aldrei vanmeta gunguskap manneskjunnar og alls ekki víst að mennirnir hundrað gætu unnið markvisst saman. Raunverulegt svar við spurningunni munum við heldur aldrei fá. someone simulated 100 men vs 1 gorilla 😭 pic.twitter.com/9F2hTldLDt— juju 💰 (@ayeejuju) April 28, 2025
Dýr Glíma Samfélagsmiðlar TikTok Mest lesið Aron Kristinn orðinn pabbi Lífið „Þvílíkur fílingur bara“ Lífið Umboðsmaður Jenner lést af slysförum Lífið Norah Jones: Tíminn stóð í stað þar til ljóskastarinn vakti mann Gagnrýni Vonbrigði að aðeins tvær konur komi fram á Kótelettunni Lífið Komu Balmain Hair Couture í Hagkaup fagnað með glæsilegum viðburði Lífið samstarf „Fólk sleppur ekkert auðveldlega frá mér“ Lífið Einbýli í Breiðholti úr smiðju Rutar Kára Lífið „Ég fæ alltaf gæsahúð af góðum texta“ Lífið Bylgjulestin mætir á Írska daga á Akranesi Lífið samstarf Fleiri fréttir Aron Kristinn orðinn pabbi Vonbrigði að aðeins tvær konur komi fram á Kótelettunni Sumarlegt grillsalat að hætti Hildar Rutar Umboðsmaður Jenner lést af slysförum „Þvílíkur fílingur bara“ „Ég fæ alltaf gæsahúð af góðum texta“ Rósa og Hersir orðin foreldrar Einbýli í Breiðholti úr smiðju Rutar Kára „Fólk sleppur ekkert auðveldlega frá mér“ Staðfesta sambandsslitin Ætla að synda frá Elliðaey til Heimaeyjar Michael Madsen er látinn Kvenorkan tók yfir á Garðatorgi Björt og Fannar selja einbýlishús fyrir 90 milljónir Anna Guðný fann ástina í faðmi kraflyftingamanns Lykla-Pétur fauk á haf út Sigraðist á krabba og komst að óléttu samdægurs Miðar á Kaleo endurseldir á margföldu verði Hvar er Mollý Tik Tok skinka í dag? Landsliðsmaður gifti sig í Vík í Mýrdal Eitt glæsilegasta hrossabú landsins falt fyrir tæpan einn og hálfan milljarð Elta drauminn um hægara líf eftir fjögur ár á Íslandi Sólveig og Halldór gáfu dótturinni nafn Slær á létta strengi í þinginu og afhenti ráðherra „Gyllta tappann“ Of Monsters and Men gefa út nýtt lag Brady og Bloom sagðir sólgnir í Sweeney Fyrst skíði og nú golf Rétturinn sem fær konurnar niður á hnén „Takk Hreyfill frá Vorsabæ“ Vala Grand og Brynjólfur flytja á Skagann Sjá meira