Blómin í veisluskreytingunni fara svo út í garð og blómstra á­fram

Listakonan og frumkvöðullinn Ásta Kristrún Ragnarsdóttir skreytir veisluborð með einstaklega fallegum plöntum sem hún svo setur út í garðinn í potta fyrir sumarið.

Ásta er ásamt eiginmanni sínum hinum dáða tónlistarmanni Valgeiri Guðjónssyni að fara að halda spennandi dagskrár með tónleikum og fleiru í kringum páskana.

Annars vegar tónleika í Dómkirkjunni á skírdag 17.apríl og svo í Eyrarbakkakirkju laugardaginn 19. apríl.

Vala Matt fór fyrir Ísland í dag og kynnti sér þessar sérstöku og fallegu veisluskreytingar hjá þeim hjónum á Eyrarbakka.

„Að þessi blóm skuli eiga sinn líftíma bæði innanhús og að utan er alveg dásamlegt,“ segir Ásta og heldur áfram.

„Maður þarf ekki að vera með stóran garð til að geta nýtt svona dásamleg blóm. Ég sé þau bara í hyllingum. Mér finnst mjög gaman að nýta náttúruna almennt, alveg sama þó það sé vetur eða vor eða sumar þá reyni ég að taka eitthvað úr náttúrunni og meirisegja sumt set ég inni í frysti.“

Hér að neðan má sjá innslagið í heild sinni.