Stjörnum prýdd kynning enska boltans

Enski boltinn kemur heim næsta haust og verður mikið púður sett í dagskrárgerðina. Hulunni var svipt af dagskránni sem og hverjir verða í aðalhlutverki að fjalla um boltann næsta vetur.

Allir leikir í deildinni verða í beinni útsendingu og valdir stórleikir verða síðan með veglegri upphitun og uppgjöri í sjónvarpssal.

Fjölmargir létu sjá sig á viðburðinum við Suðurlandsbraut en þar tóku þeir Eiríkur Stefán Ásgeirsson, forstöðumaður íþrótta hjá Sýn, Guðmundur Benediktsson og Kjartan Atli Kjartansson til máls.