Fótbolti

Mínútu þögn fyrir mann sem reyndist vera á lífi

Sindri Sverrisson skrifar
Leikmenn beggja liða vottuðu Petko Ganchev virðingu eftir meint andlát hans en hann reyndist svo vera á lífi.
Leikmenn beggja liða vottuðu Petko Ganchev virðingu eftir meint andlát hans en hann reyndist svo vera á lífi. Samsett/Skjáskot

Knattspyrnufélag í efstu deild Búlgaríu hefur beðist afsökunar eftir að hafa óvart haft mínútu þögn til minningar um fyrrverandi leikmann sem reyndist svo vera sprelllifandi.

Það var fyrir leik Arda Kardzhali og Levski Sofia í búlgörsku úrvalsdeildinni á sunnudag sem að leikmenn liðanna söfnuðust saman við miðjuhringinn, drupu höfði og minntust Petko Ganchev, fyrrverandi leikmanns Arda. Því hefðu þeir betur sleppt.

Áður en að leiknum lauk hafði Arda nefnilega greint frá því á samfélagsmiðlum að um misskilning væri að ræða.

„Stjórn PFC Arda vill biðja fyrrverandi leikmann Arda, Petko Ganchev, og fjölskyldu hans innilega afsökunar eftir að félagið fékk rangar upplýsingar um að hann væri dáinn,“ sagði í tilkynningu félagsins og einnig:

„Við óskum Petko Ganchev margra ára við góða heilsu og vonum að hann njóti árangurs Arda.“

Mest lesið


Fleiri fréttir

Sjá meira


×

Mest lesið